"VY'APAVÊ MOKÔIVE ÑANDE SÝPE"

CHE SYMI PORÂ
Ñe'ẽpoty ha pumbasy: Mauricio Cardozo Ocampo
Rohechaga'u che symi porã

ha ku mombyry chehegui reime,

reikuaanga'u py'a tarova

nachemongevéiva ymaite guive.

Ñemokunu'ũ hyakuãmbavoíva

roheja guive chemotyre'ỹ,

hi'ã chepepo, aveve aha,

nde ypýpe aguejy, roñandu che sy.


Arekóva iñongatuhápe

amo che ánga ruguápe

che sy ne mborayhumi,

avave noĝuahẽi hendápe

ha pe kuarahy ratáicha

ohesapéva ha omimbi.


Aromandu'á ne marangatu

mombyry guive che symi porã,

mbombe'upyrãmanteko ajuhu,

nde rekovekue ysyry sakã.

Kuña Paraguái nde rekopete

nde ndereikuaái yuhéi, kane'õ,

nde sýgui reru Residenta-kue

ha che ne memby péina amono'õ.








HA…CHE RETÂ PARAGUAY

Ha... che retâ Paraguay
Peichaitépa neporâ

Remimbi, rejajaipa

Ha anga ku nandepo’ái,

Mamove ndojehechái

Mokôi upe ndeichagua

Ha ikatúpokuva’erâ

Repu’â che Paraguay.


Hi’âitéma rehecha

Repo rejetyvyro,

Ha upévo tove toso

Hasy peve pe ne sâ

Yvágare repu’â

Ko’ýte ejepytaso,

Ha ore, pe ore corasô

Tove taipiro’ypa.


Mayma ne membytee

Hi’âma ropytu’u,

Topami pe jepoyhu,

Ñorairô ha pokarê.

Ha’evémante oreave

Tesaýpe rejahu

Hi’âma ore porayhu

Ipoty ha oñeñopê.


Ha… che retâ Paraguay

Piko peichanteva’erâ,

Ne memby nde rayhuva

Nderehe ndaorepo’ái

Epóna ha esapukái

Emondoho pe ne sâ

Topami teko asyeta,

Ha… che retâ Paraguay.


Letra: Teodoro S. Mongelós

Música: Emilio Bigi