Guarani Ñe'ê niko ojeguerohory tetã ambuére ha oî oiporúva arma secreta ramo, ñande katu ko'ápe ñamboyke ha oñesêmívo Paraguáigui umi tetã ambuére ha umi ñande ykéregua oiporu ha oñemomba'éma mbeguekatu ohóvo ñande retã mba'éva rehe, ombojepokuaa terere je'u ha ka'a mante oipota jopói ramo avei ñande jeroviapy, purahéi, jeroky ha ñane pohã ñana ho'u meme hikuái terere ha ka'aýpe. Oguahê chéve marandu ha aipota pehechámi ha pehai pene remiandu ko'ã mba'e rehe.
Karai Fernando Moure omoguahê ché ko mitãkuña opurahéiva purahéi aty oíkóva Paríspe ha'e cantautora paraguaya ha héra Jimena, orekóva 21 ary ha oikuaauka ñane retã Paraguái purahéi Paris-pe ha ikatu pehendu ha pehecha ko tenda oîva Youtube-pe.
Jimena opurahéi Mandu'ara, ñe'êpoty ohaiva'ekue Rudy Torga (1938-2002) ha omohendáva purory Carlos Noguera (1950)
Péicha avei Miguel Angel Veron omoguahê chéve oîha peteî video avei vakapipopo rehegua ha ojehechauka Brasil ta'angambyrýpe ha péva selección Paraguái rehe ha péva ojehecha TV Globo-pe ha oñe'ê umi mba'e porã orekóva Tetã Paraguái rehe ha mba'e omomba'eguasuvéva ha'e ñe'ê Guarani
ikatu mba'e niko mburuvichakuéra omomba'e avei ko Ñe'ê porãite oúva ymaite guive ha ombopiro'y yvypóra rekove, ombojerávo guaraníme hemiandu táva okaraygua ndive.
Péa avei ohechauka tetã rayhuete, kuña reko oñemomba'eguasu, tekoha ha ogyaguakuérape. Ko'ã mba'e oñemombarete jeyv'erã ankéna oiko tesaráii ko'ã mbaégui ha umi pytaguáva ovy'a ha oguerohory oñe'êvo hikuái guaraníme ha oî gueteri tekove noñe'êséiva ha oguerotînte oikóvo ko'ã ára jahavavpe. Topána ko'ã mba'e ha ñambo'e katu mitãpyahúpe mbo'ehaotýpe oiporu haguã oikotevê jave.
